«Հանքարդյունաբերության հետ կապված մեկ երկու նյուանս կա, որի մասին կուզեի չբարձրաձայնել, բայց ստիպված եմ լինելու հիմա դրանց մասին խոսել, չնայած լավ կլիներ, որ ես այդ թեմային հրապարակային չանդրադառնայի»-, այսօր Վանաձորում մամուլի ասուլիսի ամանակ, պատասխանելով հանքարդյունաբերության մասին հարցին, ասել է վարչապետ Նիկոլ Փաշինյանը:
«Ես անձամբ հանքարդյունաբերություն երևույթով հիացած չեմ և այդքան էլ լավ չեմ վերաբերվում այդ երևույթին: Հանքարդյունաբերությունը դեմոնիզացիայի ենթարկելու ընդհանուր միտումը նույնպես ընդունելի չի մեզ համար և հակասում է մեր երկրի շահերին և անվտանգությանը»,- ասել է Նիկոլ Փաշինյանը:
Այնուհետև նա նշել է, որ մենք կոնֆլիկտի մեջ գտնվող երկիր ենք և եթե, Աստված չանի, ու օրինակ պատերազմ սկսվի, այդ պատերազմի մեկնարկի տնտեսական ամենամեծ պրոբլեմը անվտանգության խնդիրների առաջացումն ու արտարժույթի դեֆիցիտն է լինելու:
Այնուհետև նա, թվարկելով, թե որոնք են մեր երկրի արտարժույթի աղբյուրներն, ասաց, որ առաջին ամենաթարմ աղբյուրը զբոսաշրջությունն է:
«Բայց, երբ որ երկրում պատերազմ է սկսվում, ոչ միայն զբոսաշրջիկներ չեն լինում, այլ եղածներն էլ թողնում գնում են երկրից․ այսինքն՝ դու արտարժույթի մի աղբյուրից զրկվում ես: Եվ միակ աղբյուրը, որ նման պայմաններում Հայաստանին կարող է բերել արտարժույթ, մեզ բոլորիս, բնությունը իմ նման սիրողների համար որքան էլ տհաճ լինի, միակ աղբյուրը մնում է հանքարդյունաբերությունը»,- եզրափակել է վարչապետը:
