Ամերիկահայ միլիոնատեր, Reddit սոցիալական ցանցի համահիմնադիր Ալեքսիս Օհանյանը Երևանում անցկացվող World Congress on Information Technology (WCIT) 2019 տեղեկատվական տեխնոլոգիաների համաշխարհային համաժողովին մասնակցելու նպատակով Երևան կժամանի այսօր երեկոյան, ժամը 20։25-ին։ Այս մասին Newarmenia.am-ին տեղեկացրեց համաժողովի կազմակերպիչ թիմի անդամ Արմինե Ուդումյանը։
Ալեքսիս Օհանյանը տարիներ առաջ ընդգրկվել էր «Ֆորբսի» երիտասարդ ու ամենահեռանկարային գործարարների ցանկում։ Նա հիմնադրել է նաև Initialized Capital ընկերությունը։
Ալեքսիս Օհանյանը ՏՏ համաշխարհային համաժողովի մոդերատորն է։
«WCIT 2019» ՏՏ համաշխարհային համաժողովը Երևանում անցկացվում է հոկտեմբերի 6-9-ը։ Համաժողովը հյուրընկալվում է Հայաստանում՝ ՀՀ կառավարության բարձր հովանու ներքո և աջակցությամբ։ ՏՏ համաշխարհային համաժողովը հիմնադրել է Տեղեկատվական տեխնոլոգիաների և ծառայությունների համաշխարհային դաշինքը՝ WITSA-ն։ Համաժողովը կազմակերպել է Առաջատար տեխնոլոգիաների ձեռնարկությունների միությունը։
