«Մենք ունեցանք յոթանասուն երկրից ավելի մասնակիցներ և շուրջ քսան երկրից պաշտոնական մասնակիցներ՝ գլխավորությամբ նախարարների, փոխնախարարների, ինչպես նաև միջազգային ընկերությունների և կազմակերպությունների գլխավորությամբ»,-այդ մասին այսօր ՏՏ համաշխարհային համաժողովի (WCIT) շրջանակներում անցկացվող մամուլի ասուլիսի ժամանակ ասաց Բարձր տեխնոլոգիական արդյունաբերության նախարար Հակոբ Արշակյանը:
Նա նշեց, որ իրենց գործընկերները, որոնք այցելեցին Հայաստան և տեսան այն ամենը ինչ մենք տեսնում ենք առօրյայում և արդեն սովորել ենք, շատ տպավորված էին և այս ամենը իրենց հույս է ներշնչում և հավատ ու եռանդ է տալիս, որ իրենք բազմապատիկ ուժերով Հայաստանում իրագործեն տնտեսական հեղափոխությունը և Հայաստանը դարձնել բարձր տեխնոլոգիական և արդյունաբերական երկիր:
«Եվ իսկապես ցանկանում ենք ունենալ տարաշածրջանային կենտրոն, որը հնարավորություն կտա ոչ միայն հայազգի, այլև օտարազգի ձեռներեցներին, նորարարներին գալու Հայաստան և Հայաստանում գտնելու իր այն տեղը, որտեղ կարող են ունենալ արագ և կտրուկ զարգացում»,- ասաց Հակոբ Արշակյանը:
