Ինչպես տեղեկանում ենք Երևանի քաղաքապետարանի մամուլի քարտուղար Հակոբ Կարապետյանի ֆեյսբուքյան էջից, Էրեբունի պատմա-հնագիտական թանգարանի տարածքում նոր, ժամանակակից տեխնոլոգիաներով հագեցած մասնաշենք կկառուցվի: Քաղաքապետ Հայկ Մարությանն ու ամերիկաբնակ բարերար Ջոն Բալյանը սույնի վերաբերյալ պայմանագիր ստորագրեցին:
Այս հատվածում կտեղակայվեն նոր ցուցասրահներ, կլինեն անիմացիոն ցուցադրություններ, և այցելուները Երևանի պատմությանը կծանոթանան վիրտուալ շրջագայությամբ: Տարածքում կբացվեն նաև գիտական լաբորատորիաներ:
