Ադրբեջանն աջակցում է Սիրիայի հյուսիսում թուրքական «Խաղաղության աղբյուր» ռազմական օպերացիային: Այդ մասին ասված է երկրի ԱԳՆ-ի հայտարարության մեջ:
«Ադրբեջանը վճռականորեն դատապարտում է ահաբեկչոււթյան բոլոր դրսևորումներն ու ձևերը և աջակցում դրա դեմ պայքարի միջազգային ջանքերին: Այդ կապակցությամբ մենք համոզված ենք այն բանում, որ, ինչպես հայտարարել է թուրքական կողմը, թուրքական զինուժի կողմից իրականացվող «Խաղաղության աղբյուր» օպերացիան ծառայում է Սիրիայի տարածքային ամբողջականության շրջանակներում ահաբեկչության ռիսկի վերացմանը, մարդասիրական խնդիրների լուծմանը, խաղաղության և համաձայնության ապահովմանը»,- հայտարարության տեքստը փոխանցում է «Ria novosti» լրատվական գործակալությունը:
Այս երկիրը կարծես թե երկրորդն է Քաթարից հետո, որը հրապարակային աջակցություն է հայտնում Թուրքիայի գործողություններին:
