«Ժողովուրդ»-ի տեղեկությամբ՝ Վլադիմիր Գասպարյանն առերեսվել է Սերժ Սարգսյանի եղբոր՝ Ալեքսանդր Սարգսյանի թիկնապահների հետ։ Նախկին ոստիկանապետը մեղադրվում է պաշտոնեական լիազորությունների չարաշահման համար, որոնք շահադիտական, անձնական այլ շահագրգռություն կամ խմբային շահեր են հետապնդել։ ՊՆ փոխնախարար եղած ժամանակ Գասպարյանը տեղյակ է եղել, որ ՌՈ զորամասի 3 զինծառայող աշխատանքի են ընդունվել, բայց իրականում մեկն աշխատել է Սերժ Սարգսյանի եղբայր Լյովա Սարգսյանի վարորդ, մյուսները՝ Ալեքսանդր Սարգսյանի թիկնապահ։ Թեև Ալեքսանդր Սարգսյանը պետությանն է վերադարձրել իրեն ու եղբորը պետբյուջեից վճարված գումարները, բայց Վլադիմիր Գասպարյանին դա պատասխանատվությունից չի ազատել:
