Epress.am կայքի լրագրողներին Վրաստան մուտք չգործելու խնդրի վերաբերյալ ՀՀ ԱԳՆ-ն տեղյակ է։ Այդ մասին այսօր ճեպազրույցի ժամանակ հայտարարեց ԱԳՆ մամուլի խոսնակ Աննա Նաղդալյանը։
Հիշեցնենք, որ հոկտեմբերի 11-ին՝ վրաց-հայկական սահմանի «Նինոծմինդա-Բավրա» անցակետում Epress.am-ի լրագրողներին արգելել են մուտք գործել Վրաստան՝ նրանց ավելի քան 4 ժամ պահելուց հետո։
«Վրաստանում մեր դեսպանությունն անմիջապես կապ է հաստատել վրաց գործընկերների հետ՝ խնդրի վերաբերյալ մեր մոտեցումները և խնդիրը ներկայացվել է Վրաստանի ԱԳՆ։ Մենք այս հարցի վերաբերյալ ակնկալում ենք վրացական կողմի պարզաբանումը և երբ որ դա տրվի, Վրաստանում մեր դեսապանությունը հանդես կգա համապատասխան հայտարարությամբ»,- ասաց Աննա Նաղդալյանը։
