«Interfax» լրատվական գործակալությունը տեղեկացնում է, որ ՌԴ պաշտպանության նախարարությունում հերքել են ռուսական ինքնաթիռների կողմից սիրիական Իդլիբում հիվանդանոցների ռմբակոծումների վերաբերյալ հայտարարությունները:
«Բոլոր ներկայացված, իբր թե, ապացույցները նույնիսկ այն թուղթը չարժեն, որի վրա դրանք տպագրվել են»,- հայտարարել է այսօր ՌԴ պաշտպանության նախարարության ներկայացուցիչ Իգոր Կոնաշենկովը:
Այդպես է նա մեկնաբանել «The New York Times» թերթի հրապարակումն այն մասին, որ մայիսին Ռուսաստանի ռազմատիեզերական ուժերը ռմբակոծել են չորս սիրիական հոսպիտալ:
