Յարոսլավ Կաչինսկիի «Իրավունք և արդարություն» կուսակցությունը, որը գտնվում է իշխանության մեջ 2015 թվականից, կիրակի օրը կայացած հերթական խորհրդարանական ընտրությունների արդյունքներով Սեյմում ստացել է մեծամասնություն (խորհրդարանի ներքին պալատը): Այս մասին գրում է «ТАСС» լրատվական գործակալությունը:
Պետական ընտրական հանձնաժողովի նախագահ Վեսլավ Կոզելելևիչը մամուլի ասուլիսի ժամանակ հայտարարել է, որ հաղթող կուսակցությունը կստանա 235 մանդատ 460 տեղանոց Սեյմում և առանց կոալիցիա կազմելու հնարավորություն կունենա շարունակել ինքնուրույն որոշումներ կայացնել:
Կուսակցությունը ստացել է ձայների 43,59%, Կաչինսկիի թիմի օգտին քվեարկել է 8,051 միլիոն մարդ: Լեհաստանի նոր գումարման Սեյմ են անցել նաև չորս քաղաքական միավորումներ. խոշորագույն ընդդիմադիր «Քաղաքացիական կոալիցիան» (27,40% և 134 մանդատ), «Ձախերը» (12,56% և 49 մանդատ), «Լեհական կոալիցիան» (8,55% և 30 մանդատ) և «Կոնֆեդերացիան» (6,81% և 11 մանդատ): Օրենքով նախատեսված մեկ պահեստային մանդատ ստացել է գերմանական ազգային փոքրամասնությունը:
