Մրգաշատ գյուղի համայնքապետարանի մոտ տեղի ունեցած փլուզումից հետո փրկարարները դուրս են բելեր 32-ամյա մի երիտասարդի դի։
Այս մասին հայտնում են ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից։
«Օգոստոսի 21-ին, ժամը 02։16-ին Մարզային ճգնաժամային կառավարման կենտրոն ահազանգ է ստացվել, որ Մրգաշատ գյուղի համայնքապետարանի մոտ տեղի է ունեցել փլուզում․ներսում կա տուժած։ Դեպքի վայր են մեկնել ԱԻՆ ՓԾ Արմավիրի մարզային փրկարարական վարչության հրշեջ-փրկարարական ջոկատից երկու մարտական հաշվարկ: Պարզվել է, որ Մրգաշատ գյուղի 3-րդ փողոցի տներից մեկի նկուղում շինարարական աշխատանքներ իրականացնելիս մոտ 6 քմ բետոնե պատը փլուզվել է Հայկ Ի.-ի (ծնված՝ 1988 թ.) վրա, որը տեղում մահացել է»,- տեղեկացնում են ԱԻՆ-ից։
Փրկարարները փլատակների տակից դուրս են բերել քաղաքացու դին և մոտեցրել շտապ օգնության ավտոմեքենային։
